شيش طاووق.......

( 1 )
شيش طاووق
.........................
المقادير

حوالى 1/2 كيلو وراك فراخ مغسولة كويس جدا ومقطعة

التتبيلة بتاعت الشيش طاووق

وهي عبارة عن

عصير ليمونة
كوب زبادي
ملح وفلفل اسود
ملعقة صغيرة كاري
ملعقة صغيرة زعتر
ملعقة صغيرة كسبرة ناشفة
رشة بسيطة شطة

بصلة صغيرة مفرومة ناعمة جدا جدا
3 فصوص ثوم مطحونين ناعم جدا جدا
طماطماية متوسطة مقشرة ومعصورة

نخلط كل المكونات دي مع بعضها وبعد كده
نجيب طاسة
نحط فيها حتة زبدة صغيرة
ننزل عليها الفراخ تعمل تشوك
علشان تحتفظ بالعصارة بداخلها


نغطيها بالبلاستيك الشفاف ونسيبها ساعتين على الأقل في التلاجة
او ممكن لتاني يوم يكون أفضل

بعد كده نحضر الخضار بتاعنا
فلفل رومي وفلفل حار وبصل وطماطم

بعد مانطلع الفراخ من التلاجة
نشغل الفرن على درجة حرارة متوسطة

ونجيب صينية نحط فيها ميا مع شرائح الليمون ونزش فيها شوية زعتر


نجيب اعواد الشيش طاووق
وندخل فيها الفراخ بتاعتنا مع الخضار
بعد كده نرصهم على الصينية

بعد كده ننزل التتبيلة المتبقية على الفراخ بالمعلقة

ندخلها الفرن لحد ماتستوى وبتبقا ريحتها جنااااااااااااااااااااااااااااااان